As razons para dizer-lhe nom à Planta de Gas de REGANOSA

QUE RULE A INFORMAÇOM DO PORQUÊ A OPOSIÇOM CONTRA A PLANTA DE GÁS DE REGANOSA EM PONTA PROMONTOIRO NA RIA DE FERROL NO CONCELHO DE MUGARDOS

Se nom queres RISCOS para a tua vida nem a dos teus; se amas o médio ambiente; ou se queres umha cidade sostível e nom a sua industrializaçom a qualquer prezo, rogamos-che que divulgues este Blog a outras pessoas da comarca do Noroeste, para esixir-lhes aos nossos governantes que apliquem o sentido comum e que nom permitam a Planta de REGANOSA na Ria de Ferrol


RISCOS

O GAS NATURAL : 1 m3 de GNL (está a -160ºC) equivale a 600 m3 (a 10ºC).

Umha fuga de GNL [Gás Natural Licuado] produze umha nuvem FRIA e ASFIXIANTE, que se extende e mata SILENCIOSAMENTE antes de diluir-se no ar. Mas quando chega a umha diluiçom em ar do 10 %, e atopa um foco de igniçom, ESTALA! dando lugar a umha enorme deflagraçom em tempo e espaço proporcional ao volume de combustível fugido.

Cantos mais buques Gaseiros vengam, más riscos de escapes acidentais e deflagraçoms em cadeia dos tanques.

REGANOSA tem autorizado construir dous tanques de 150.000 m3 de GNL cada um. Está classificada como perigosa e susceptível de ocasionar acidentes maiores pola Diretiva Europeia SEVESO II, (R.D. 1254/99) e estes podem ocurrir com conseqüências catastróficas.

Nom tem autorizaçom de funcionamento e projecta umha ampliaçom com outros dous tanques mais [negada polo actual o Ministro de Indústria], até um total de 600.000 m3, o que equivale a 300.000 toneladas, ou seja, 300 milhons de Kg de GNL. Umha bombona de butano tem tam só 13 Kg e já sabemos o que esnaquiza ...


FORESTAL DO ATLÁNTICO

Junto a REGANOSA existe um complexo Petroquímico, também do grupo Tojeiro, com 280.000 m3 de gás-oil, fuel-oil, slops, formol, fenol, metanol, sosa, sulfato amónico... Isto é más do que ardeu na recente catástrofe de Londres. Aqui, nom som só combustíveis, senom também sustáncias tóxicas e cancerígenas que em caso de acidente produziriam umha imensa nuvem tóxica. Por certo, os ventos predomináveis sopram cara a Ferrol.

Estes seriam efeitos somatórios aos que produza REGANOSA, por se eram poucos, e já por se mesma, Forestal do Atlántico deve ser retirada da sua actual ubicaçom. Mais tolémia é autorizar a colocaçom da planta regasificadora ao seu lado.


EMPREGO?

REGANOSA usará água da ria para vaporizar de novo o Gás Natural Liquado. No projecto construtivo autorizado consta um retorno de 5.000 m3 /hora de água do mar, 6º C mais fria, misturada com cloro para matar microorganismos no vaporizado, para a primeira fase, ou seja 120 milhons de litros/dia. Na segunda fase detalham 15.000 m3 /hora (360 milhons de litros/dia) desse água mais fria com cloro (150-300 kg/dia). Mas em realidade os vertidos serám muito maiores que arrefriaram a temperatura da baía. Ademais, os vertidos destes altos volumes de m3/hora de águas arrefriadas (até 10º C menos), esterilizadas e com restos de cloro provocarám a perda de emprego a muitos mariscadores e mariscadoras da Ria de Ferrol.


BUQUES GASEIROS OU BOMBAS FLOTANTES, CADA 4 DIAS JUNTO A FERROL

REGANOSA ocultou que projecta dragar o canal de entrada, o que requiriria dinamitar 2 Km, de fondos entre os castelos Sam Felipe e A Palma, porque os buques gaseiros tocam o fondo com marea baixa ! !

Em caso de acidente nom poderiam abandonar a Ria tal como exige a legislaçom. Nom é causal que outras plantas de gás se situem em mar aberto para minimizar possíveis acidentes.


SAN JUAN DE IXHUATEPEC - OAXACA - MÉXICO

O 18 de Novembro de 1984 fixérom explosom vários colectores de Gás Licuado de Petróleo que provocárom 452 mortos, 4.200 feridos e umhas 1.000 pessoas desaparecidas. Há quem di que fôrom muitas mais as víctimas. Ardérom as 6.500 toneladas que estavam armazenadas, as chamaradas alcanzárom 300 metros de altura e umha radiaçom térmica tal que só o 2% dos cadáveres fôrom reconhecidos. Umhas 20 hectáreas de superficie resultárom afectadas pola explosom e a radiaçom. Os 4 tanques de REGANOSA podem armazenar 50 vezes a quantidade incendiada em México !!

Para acceder à informaçom dada polo Governo Méxicano: Entra


EXISTEM MUITOS OUTROS ACIDENTES...

"OS GOVERNOS GARANTICEM DISTANCIAS SUFICIENTES Á POPULAÇOM AO PATRIMONIO CULTURAL E À RIQUEZA NATURAL", Art 12 R.D. 1254/99 (VESE.50I7).

Aqui, em cámbio, increméntan-se os riscos à populaçom miles de vezes, expolia-se o património histórico, e degrada-se o médio ambiente, E nom PASSA NADA !!

A censura e ocultaçom informativa nalguns médios, como LA VOZ DE GALICIA é cúmplice dos riscos e ameaças de REGANOSA.


RAZONS CONTUNDENTES QUE IMPEDEM O PROJECTO DA PLANTA DE GÁS EM PONTA PROMONTOIRO DE MUGARDOS.

Nom existe umha zona de exclusom térmica de seguridade em Ponta Promontoiro, que está livre de circulaçom de pessoas e de património, tal como se estabelece nos países desenvolvidos (Em EEUU som 1600 pés -488 metros-). Em Mugardos existem vivendas habituais a 150 metros.

Nom se informou à populaçom sobre os riscos deste tipo de plantas, nem se lhe consultou, tal como regula a directiva SEVESO 11 e a sua trasposiçom de lei no Estado Espanhol com o Real Decreto 1254/1999.

Nom se cumpre o Regulamento 2414/1981 sobre actividades molestas, insalubres, nocivas e perigosas -RAMINP-, no qual, requere-se umha distáncia de mais de 2 km desde a planta a zonas de populaçom agrupada. As medidas correctoras em Ponta Promontoiro som insuficientes para minimizar os riscos dessas distáncias tam próximas. Mugardos está a menos de 1 km.

Nom se realizou umha evaliaçom de impacto ambiental do projecto, requerida por lei e sugerida polo Defensor do Povo ao caso, tal como se fixo noutras plantas similares (Bilbao, Sagunto, ...).

Nom se tivo em conta a normativa UNE-NE 1532 sobre tráfico de buques gaseiros nas rias e terminais de descarga, onde se requere umha via livre e directa a mar aberto para que o buque poda ser evacuado, por se só, em caso de acidente. O regulamento de practicagem para a ria de Ferrol somente permite a entrada destes buques gaseiros durante a pleamar e marea morta, pola contra tocará fondo. Em caso de acidente, estaria dentro dumha auténtica ratonera da que nom poderia saír até a seguinte pleamar.

Nom é compatível com a explotaçom marisqueira, pois o retorno ao mar do água utilizada para regasificar arrefria a água da Ria. Esta baixa temperatura ambiental da água suponherá morte ou diminuiçom do crecimentos do marisco, fazendo perder muitos mais dos actuais empregos dos que gerará a planta.

Nom se autorizou polo Ministério de Defensa o projecto de planta de gás em Ponta Promontoiro.

Necessitamos a tua ajuda para deter esta irresponsabilidade !!

Nom à Planta de Gás !!

Fora REGANOSA !!

Nota.- Escrito tirado do Folheto divulgativo impresso polo grupo Coordenador de Emergências de Ferrol Terra.